‘Goleuwr’ yw ein henw ni ar gyfer rhywun sy’n cario golau ar gyfer Goleuo’r Gwyllt. Gyda’i gilydd, bydd miloedd o Oleuwyr yn goleuo rhai o fannau gwyrdd mwyaf godidog y DU wrth iddi nosi. Bydd pawb sy’n cofrestru i gymryd rhan yn creu celf anhygoel yn yr awyr agored. Bydd hyd at 20 o ddigwyddiadau gwahanol ar hyd a lled Cymru, Lloegr, yr Alban a Gogledd Iwerddon. Gallwch gymryd rhan mewn un, neu deithio gyda ni i gymryd rhan mewn rhagor.
Fel Goleuwr, byddwch chi’n ddiogel a bydd rhywun yn eich arwain ac yn gofalu amdanoch ar hyd eich taith. Fyddwch chi ond yn gorfod treulio ychydig o oriau yn y lleoliad ar y diwrnod, a bydd bwyd ar gael a phethau hwyliog i’w gwneud. Mae’n gyfle i gwrdd â phobl newydd a bod yn rhan o rywbeth gwirioneddol arbennig. Gyda’n gilydd, gallwn greu hanes.
Byddwn hefyd yn cynhyrchu ffilm fer o bob digwyddiad a fydd yn cyfleu’r storïau a’r lleoedd cysylltiedig a byddwn yn darlledu’r ffilm ar-lein am ddim ar ôl pob digwyddiad.
Rydym yn gobeithio datblygu hyder pawb i fanteisio ar y digwyddiadau hyn yn ein tirwedd naturiol. Mae rhai safleoedd yn fwy hygyrch na’i gilydd a bydd ein Rheolwr Mynediad a phartneriaid lleol yn hwyluso cyfranogiad i bobl ag anghenion mynediad lle bynnag y bo modd. Rhowch wybodaeth am eich anghenion mynediad pan fyddwch yn cofrestru i gymryd rhan.
